I zag eich heit wia ma ba ana Fox Gobl die Dichtungan tauscht und wia ma a Schmiaösörwis mocht. Mia foit nemli ima efta auf, des ia auf eicha Klumpat net wirkli so aufpassts wia i ma des vuastö. Is zwoa ois sick wens stoked sats bei eichare partylaps im Schlaum und Staub owa danoch den Gerpl afoch in Köla owestön is hoit zwenig. Noch 2 Joa is de Gobl bam Teifl und ia foats wida jede Wochn di Oma besuchn damits eich irgndwaun wida amoi a neiche leistn kents. Gscheita warad wenns genau so tats wia i sog. Schnupfts eich um 80 Eiro des Spezialwerkzeig vom Fux, stellts eich des passnde Ö in Köla und mochts ole 4 Monat a Schmiaösörwis ba da Gobl.
Oiso, gscheit aufpassn!
Aufschraum de Hittn
Beide Muadan auf da Untaseitn vo da Gobl ghern aufgschraubt, damit ma des Luada daun ausaklopfn kenan. Fia di Ribaund Drahschraubn brauchts an kloan Inbus.
1 // Weg mitn Rebaunddreck! 2 // Aufe de Muada vakeat.
Ausawoschn und ausrina losn
Jez sezma des Spezialwerkzeig auf und gebm eam ane mitn Gumihauma. Die Gnausara, de kane 40 Eiro fias Werkzeig hom de dreschn auf di vakeate Muada. Ziagts di Rerl ausanaund – Legts ma do jo a Wandl drunta suns hama scho wida di Sauerei. Des drekate, oite Öl rint do jeza ausa und o is gscheita wens des in am Behöta auffaungts. Di Meine mocht ma do jedsmoi a Teata wen wos danebnget.
3 // Ausawoschn de Rerl. 4 // Ausrina losn.
Dichtring ausa und eisaftln
Fosts her an Goblschlissl damitma di Dichtring fein ausakriagn. Guat warad wema des mit a bisl am Gfü mochn und unsa Gobl net beleidign. Oiso: Obacht! Die neign Dichtring trenkts ma gscheit ins Ö ein damit de Hund so richtig sche augsoffn san. Werds segn wia fein des daun flutscht.
5 // Dichtring ausa. 6 // Gscheit eisaftln.
Gscheit duachpuzn
De Real tats ma jezn feinstns duachputzn. Gscheit eisprün di Gaude mit am Bremsnreiniga und vo eichre Fraun borgt seich so a Biaschtn zam Glaslpuzn aus. Wenn da Fredl Bremsnreiniga sog, dann mant er Bremsnreiniga und ka Wosa!!!
7 // Aufe mitn Bremsnreiniga. 8 // Gscheit duachpuzn.
Dichtring aufe und Ö aufziagn
Den neichn Dichtring afoch auf des Fux Werkzeig aufitua und owischiabn. Und bitte faungts ma do net zum wurschtln aun. Es geht zwoa a iagendwia one dem Werkzeig oba es is hoit a Muaxarei. De 30 Euro kenntats valian a – daun hobs nix davon.
Fosts her de Sprizn und ziagts des Ö auf – da Heastöla sog eich wiavü ins linke und rechte Rerl ghert.
9 // Dichtring aufe. 10 // ÖÖÖÖÖÖÖ.
Rerl auf Rerl und Ö eivün
Bauma wida zaum de Gaude. Spaunts den Goblschoft in Schraubstok ei, Staundrerl zagn zam Himl. Wichtig is, das jez net afoch die Tauchreal vo obn draufsteckts sundan tats ma do di Dichtring vuaspauna. Oiso schief, a bisl vu da Seitn.
Schauts noch, wiavü Ö, das in wöches Rerl einikumt – is nämli untaschiedlich oba findats mitlaweile ois in diesem Intanet wens de Beschreibung vaschmissn hobs. Dassma do nua des richtige Ö vawendn is a logisch wal suns hob i eich ba di Oan.
11 // Rerl auf Rerl. 12 // Ö eivün.
Zaumschraum
Fosts eich her no an 15er Schlissl – zaumschraum de Gaude und fertig sama.
Fox Gabel Service 14 // Ribaund zruckaufeschraum.
Danksagung:
A herzhoftes “Vagöds Gott” an Martin Pyffrader und seine Fox Buam in Graz, dass i eicha Werkstott mit meina Präsenz beehrn hob derfn. In eicham Fuxloch werdn fost sovü Gobln sörwisiert wie ba mia auf da Terrasn.
Über den Author
Artikel teilen